← Arxiu de notícies

Dimecres, 12 de gener de 2011

Talhèrs d’igualtat d’oportunitats ena Escòla Garona de Vielha

Eth Conselh Generau d’Aran, per miei der airau d’Igualtat, a organizat talhèrs entara promocion dera igualtat d’oportunitats ena Escòla Garona de Vielha. Aguestes sessions coeducatives an agut lòc pendent es mesi de noveme e deseme e s’an adreçat as alumnes de toti es cicles (infantil, iniciau, miei e superior). En totau, s’an impartit 26 talhèrs e s’estudie era possibilitat d’organizar-ne mès ena rèsta de pòbles.

Er equip de trabalh a avalorat plan positivament era experiéncia. Ei format pera tecnica compartida de Joenessa, Estefanía Revilla; era agent d’Igualtat, Yolanda Olmos; e era pedagòga Silvia Domínguez. Damb aguesti talhèrs, se sage de promòir era transmission de valors democratics e sensibilizar ara comunautat educativa dera importància de trabalhar era igualtat d’oportunitats coma un valor de besonh entà ua societat justa e equitativa.

Ath delà, s’ensènhe ar alumnat a relacionar-se des dera reconeishença e eth respècte mutuaus, a combàter es estereotips sexistes e a fomentar eth despartiment equitatiu de responsabilitats domestiques enes familhes. Son talhèrs impartidi entara coresponsabilitat, era luta contra era discriminacion e eth foment dera riquesa dera diversitat.

12 de gèr de 2011

• 
• 

• 
• 

• 
• 

• 
•